29.03.2022
29.03.2022-ci il tarixində Gəncə Regional Mədəniyyət İdarəsi Gəncə Şəhər Mədəniyyət Mərkəzində “31 Mart Azərbaycanlıların soyqrımı “günü ilə əlaqədar dəyirmi masa keçirildi .
İlk öncə soyqrıma məruz qalmış soydaşlarımızın və torpaqlarımızın işğaldan azad olunması uğrunda canından keçmiş şəhidlərimizin əziz xatirəsi bir dəqiqəlik sükutla yad edildi.
Mədəniyyət Mərkəzinin direktoru Afina Quliyeva çıxışında qeyd etdi ki, XX əsrin əvvələrindən başlayaraq ermənilər tarixi Azərbaycan torpaqlarında kütləvi şəkildə məskunlaşdırılmağa başlamış, azərbaycanlılar öz qədim torpaqlarından, ata –baba yurdlarından qovulmuş onların departasiya prosesi məqsədyönlü şəkildə həyata keçirmişdir.
2020-ci ilin Sentyabr ayının 27- də başlamış və 44 gün davam etmiş Vətən müharibəsində Ali Baş Komandan İlham Əliyevin rəhbərliyi ilə Müzəffər Ordumuz erməni ordusunu darma –dağın edərək torpaqlarımızı işğaldan azad etdi və şəhidlərimizin qisasını aldı.